दश अर्ब खोई भन्दै बुटवलमा युवाहरुको प्रदर्शन

बुटवल,३० जेठ । काेराेना भाइरस (काेभिड-१९) नियन्त्रण तथा उपचारमा भएको खर्च पारदर्शी हुनुपर्ने,एमसिसि खारेज लगायतका माग राखेर आन्दोलनमा उत्रिएका युवाहरूले आज प्रदेश ५ को अस्थायी राजधानी बुटवलमा

प्रदर्शन गरेका छन् । कोरोना परीक्षणको आरडिटि विधि विश्वसनीय नभएकाेे भन्दै उनिहरूले शतप्रतिशत पिसिआर विधिबाट कोरोनाको परीक्षण गर्न,जातीय विभेद अन्त्य गर्न,गुणस्तरीय क्वारेन्टाइनको ब्यवस्था गर्नुपर्ने, एमसीसी खारेज गर्नुपर्ने लगाएतका विभिन्न प्लेकार्ड सहित उनीहरुले अस्पताल लाइन, बसपार्क लगाएतका क्षेत्रमा विरोध प्रदर्शन गरेका हुन् ।

आज विहान १० बजे बुटवलस्थित पुष्पलाल पार्कमा भेला भई कोरोना भाइरस(कोभिड–१९) को रोकथाममा सरकार संवेदनशिल नभएको, क्वारेन्टाइन,आइसोलेशन मापदण्ड विपरित भएको र शंकास्पद बिरामीलाई पिसिआर टेस्ट गर्नुपर्ने,कोरोना नियन्त्रणमा करिब १० अर्ब खर्च भनिएकोमा हिसाब सार्वजनिक गर्नुपर्ने लगाएतका माग राख्दै सरकार विरुद्ध प्रदर्शन गरेका थिए ।

मुख्यमन्त्री कार्यालय नजिकै ठूलो संख्यामा भेला भएका उनीहरुल सरकारविरोधी प्लेकार्डसहित नाराबाजी गरिरहेका छन भने केहीदिन यता युवाहरू विभिन्न ठाउँमा स्वतस्फूर्तरुपमा भेला भएर युवाहरुले देशका विभिन्न स्थानमा प्रदर्शन गर्दै आएका थिए भने शुक्रबार बुटवलमा पनि प्रदर्शन भएको थियो।