थप ५२५ जनामा कोरोना संक्रमण

काठमाडौं । पछिल्लो २४ घण्टामा नेपालभर थप ५२५ जनामा कोरोना संक्रमण पुष्टि भएको छ । देशका विभिन्न प्रयोगशालामा गरिएको परीक्षणमा थप ५२५ जनामा कोरोना संक्रमण पुष्टि भएको स्वास्थ्य मन्त्रालयको नियमित प्रेस ब्रिफिङका क्रममा मन्त्रालयका प्रवक्ता डा. जागेश्वर गौतमले बताएका हुन् ।

योसँगै नेपालमा कुल कोरोना संक्रमितको संख्या २४ हजार ९५७ पुगेको मन्त्रालयले बताएको छ । त्यस्तै कोरोना संक्रमणबाट नेपालमा थप ४ जनाको मृत्यु भएको छ । योसँगै नेपालमा कोरोनाबाट मृत्यु हुनेको संख्या ९५ पुगेको छ । मृतकमध्ये ७३ जना पुरुष र २२ जना रहेका छन् ।

देशभर त्यस्तै पछिल्लो २४ घण्टामा विभिन्न अस्पतालबाट थप १०९ जना कोरोनामुक्त भई डिस्चार्ज भएका छन् । कोरोना भाइरसबाट मुक्त हुनेको संख्या १६ हजार ८३७ पुगेको स्वास्थ्य मन्त्रालयले जनाएको छ ।